“အို ..ဂျေရုဆလမ်” (အပိုင်း – ၃) ဘာသာပြန်သူ – ကျော်အောင်

"အို ..ဂျေရုဆလမ်"
(အပိုင်း – ၃)
ဘာသာပြန်သူ – ကျော်အောင်
စာဖတ်သူ – ဝေယံ
ကြာချိန် – ၆ နာရီ ၄၈ မိနစ်

*စာမြည်း*
မတ် (၂၇)စတာ စနေနေ့ မနက်(၆)နာရီတွင် ထွက်မည်။ ဥပုသ်ရက်ကို ရွေးခြင်းမှာ အာရပ်တို့ ပြင်ဆင်ချိန် မရရန် ဖြစ်သည်။ တစ်ညလုံး ရှန်လားကျောင်းဝင်းအတွင်း ပစ္စည်းများ တင်ကြသည်။ အလွန်အရေးကြီးသည့် စစ်ဆင်ရေးတစ်ခုအဖြစ် ဟာဂါနားအဖွဲ့ဝင်တို့ စေ့စပ်သေချာစွာ စီစဉ်သည်။ မနက်ခြောက်နာရီတွင် ကားဆယ့်နှစ်စီး ပစ္စည်းတင်ရန် ကျန်သေးသည်။ ရှစ်နာရီမထိုးမီ မိနစ်အနည်းငယ်အလိုတွင်မှ ကွန်ဗွိုင်းထွက်ရန် အသင့်ဖြစ်သည်။ ကားတန်းက ရှည်သည်။ စက်သံများ ညံနေသည်။ ဂျေရုဆလမ်မြို့တစ်ဝက်လောက် အိပ်ရာမှ နိုးသည်။ အာဘယ်သည် မြေပုံတစ်ခုနှင့် အလုပ်များနေသည်။ ကွန်ဗွိုင်းအစောင့် ခေါင်းဆောင်ကို သူ ရွေးသည်။ လမ်းတစ်လျှောက် အန္တရာယ်ရှိသည့် နေရာများကိုလည်းကောင်း၊ ပစ္စည်းချသည့်အခါ ဂရုစိုက်ရန်ကိုလည်းကောင်း မှာကြားသည်။ ဆိုလိုမွန်ရေအိုင်အလွန်တွင် လမ်းမှာ ကျဉ်းသည်။ “အဲဒီနေရာဟာ အာရပ်တွေ မင်းတို့ကို လည်စေ့ညှစ်မယ့်နေရာပဲ” ဟု သူ ညွှန်ပြသည်။ ဂျေရုဆလမ်မှ ထွက်ခဲ့သည့် ကွန်ဗွိုင်းသည် တိတ်ဆိတ်သည့် တောင်ကုန်းများ ဆီသို့ မောင်းနှင်သွားကြသည်။ မားအေးလီယတ်ရှိ ဂရိဘုန်းကြီးကျောင်း၊ ဘက်သယ်ဟမ် လမ်းရှိ ရက်ချယ်၏သင်္ချိုင်းဂူတို့ကို ဖြတ်ကျော်သွားသည်။ အာရပ်အစောင့်တို့မှာ အရွယ်အစားကြီးသည့် ကွန်ဗွိုင်း၏ အရှိန်ကိုလန့်ကာ ထွက်ပြေးကြသည်။ တစ်မိုင်ရှိတိုင်း ဝိုင်ယာလက်ဖြင့် ဂျေရုဆလမ် ဟာဂါနားအဖွဲ့ချုပ်သို့ သတင်းပြန်ပို့သည်။ အာဘယ် ညွှန်းဆိုလိုက်သည့် ဆိုလိုမွန်ရေအိုင်ကို ကျော်လာသည်။ ထို့နောက် မိနစ်ကိုးဆယ်ကြာလျှင် ကဖာအက်ဇီယွန်သို့ ချောမောစွာ ရောက်သွားသည်။ လမ်းတွင် သေနတ်တစ်ချက် မျှ အပစ်မခံရ။ မြို့သားတို့က ဝမ်းသာအားရ ကြိုဆိုကြသည်။ စီစဉ်ထားသည့်အတိုင်း ပစ္စည်းများကို အမြန်ချသည်။ ဂျေရုဆလမ်ရှိ ဟာဂါနားအဖွဲ့ချုပ်ကလည်း ဝမ်းသာသည်။ သည်တစ်ခါ စွန့်စားရကျိုးနပ်ပြီ။

*ယခုအသံ file များကို ကြော်ငြာမပါဘဲ Mp3 နဲ့ ရယူချင်ပါက အဖွဲ့ဝင်ပြီး ရယူနိုင်ပါတယ်။
*အဖွဲ့ဝင်လိုပါက ဖော်ပြပါ Link ထဲရှိ Messenger (သို့မဟုတ်) Viber မှတဆင့် စာပို့ဆက်သွယ်နိုင်ပါတယ်။

https://fliphtml5.com/site/13979096/index.html

Source: မြန်မာနက် ® Myanmar Net ⦿ မြန်မာတို့ရဲ့ ဒစ်ဂျစ်တယ် အိမ်ရာ

⦿ #BOOKS ⦿ Tue, 12 Aug 2025 20:54:26 +0000